Lýsing

Síðar sama dag finnst roskinn maður myrtur á bílaverkstæði í Kópavogi. Þórhallur og samstarfsfólk hans í rannsóknar­deildinni eru undir mikilli pressu að upplýsa glæpina hratt og örugglega en fljótlega kemur í ljós að málin virðast teygja anga sína víðsvegar um samfélagið. Eru hryðjuverka­menn að láta til sín taka á Íslandi? Tengjast morðið og sprengingin? Af hverju kemur nafn efnahags­ráðgjafa ríkisstjórnar­innar hvað eftir annað upp í tengslum við rannsókn málsins?

JÓN PÁLSSON hefur áður sent frá sér ljóðabækur og skáldsögur en hér birtist fyrsta glæpasaga hans, þar sem spennandi atburðarás fléttast saman við leiðangur um íslenskt samfélag 21. aldar.

„Væri til í að fá þessa í sjónvarpið.“
— Ragnheiður Indriðadóttir sálfræðingur

„Æsispennandi sakamálasaga sem afhjúpar myrkviði íslensks samfélags.“
— Jóhann G. Frímann íslenskufræðingur

„Hélt spennu allan tímann.“
— Árni Elísson tollvörður

„Aðalsöguhetjan er sérstaklega eftirminnilegur karakter.“
— Sólveig Sigurðardóttir, forstöðumaður Bókasafns Seyðisfjarðar